ވެރިކަން ވައްޓާލުމަށް ހަމަނުޖެހުން ހިންގަނީ

އިއްޔެ ރައްޔިތުންގެ މަޖިލީހުގެ ޖަލްސާ ހިނގަމުން ދިޔަ ވަގުތު ރައްޔިތުންގެތެރެއިން ވަރަށް ގިނަ ބަޔަކު (ހާއްސަކޮށް އެމް ޑީ ޕީގެ މެންބަރުން) މަޖިލިސް ގޭ ދޮށަށް އެއްވެ މަޖިލީހުގައި އެވަގުތު ބަހުސްކުރެވެމުން ދިޔަ ބިލާ މެދު ނުރުހުން ފާލުކުރަމުން ދިޔައެވެ. މަޖިލީހުގައި އޮތީ ރެކޭ ބިލެވެ. ތަފާތު ނުކުތާތަކަށް އެކިއެކި އިސްލާހު ވެރިކަން ކުރާ ޕާޓީން ހުށަހެޅި ނަމަވެސް އެ އިސްލާހުތައް ފާހެއް ނުވިއެވެ. ނުކުތާތައް ފާސްކުރަމުން ދިޔައީ ބިލް ހުށަހެޅި ޑީ އާރު ޕީ ބޭނުންވި ގޮތަށް ނުވަތަ ބިލް ހުށަހަޅާފައި ވާ ގޮތަށެވެ.

ހަފްތާއަކު ދެފަހަރު ބަގާވާތް ގެނަޔަސް ހަމަ އަޅާވެސް ނުލާނަން - ރައީސް ނަޝީދު

މިދުވަސްކޮޅަކީ އަނެއްކާވެސް ސިޔާސީ މައިދާން ހޫނު ދުވަސްވަރެކެވެ. އިދިކޮޅު ޑީ އާރު ޕީން އެކިއެކި އެވުންތަކުގައި 3 މަސް ދުވަހުގެ ތެރޭގައި ސަރުކާރު ވައްޓާލަން އަދި ނޮވެމްބަރު 3 ގައި ބަގާވާތް ކުރަން ގޮވަން ފަށައިފި އެވެ.

އެމް ޑީ ޕީ ހަރުގޭގައި ރޭގައި ބޭއްވި އާއްމު ޖަލްސާއެއްގައި ރައީސް ނަޝީދު މިކަމަށް ރައްދު ދެއްވައި ވާހަކަ ދައްކަވަމުން ވިދާޅުވީ ހަފްތާއަކު ދެފަހަރު ބަގާވާތް ގެނަޔަސް ހަމަ އަޅާވެސް ނުލާނެ ކަމަށެވެ. އެމަނިކުފާނު އިތުރަށް ވިދާޅުވީ ވާދަވެރި އިދިކޮޅު ފަރާތްތަކުން ބަގާވާތެއް ގެންނަން އުޅޭނަމަ އެ ފުރުސަތު އެ ބޭފުޅުންނަށް އަރުވާނެ ކަމަށާއި އެއީ ކުޑަކޮށްވެސް ޖެހިލުންވެ ވަޑައިގަންނަވާ ކަމެއް ނޫން ކަމުގައެވެ. އަދި އިދިކޮޅު ފަރާތްތަކުން މިހާރު ރާވަމުންދާ ބަގާވާތަށް ނުކުންނާނީ ދޮޅަހަކަށް މީހުން ކަމުގައި ވެސް ވިދާޅުވިއެވެ.

ރެކޭ ބިލް މާދަމާއަށް އެޖެންޑާ ކޮށްފި

ރައްޔިތުންގެ މަޖިލިސް ހުއްޓުވާލި، ކުރީގެ ރައީސަށް އިނާޔަތް ދިނުމުގެ ބިލް (ރެކޭ ބިލް) އަނެއްކާ ވެސް މަޖިލީހުގެ ތަޅުމަށް ވެއްދުމަށް އެޖެންޑާ ކޮށްފިއެވެ. މިދިޔަ އޮގަސްޓް 30 އަދި 31 މި ދެދުވަހު މަޖިލީހުގައި ހޫނު ބަހުސް ކޮށް އެއްބަސްވުމަކަށް އާދެވިފައި ނުވާ މި ބިލާމެދު ބޮޑު ދެޕާޓީގެ މެދުގައި ހިޔާލުގެ ވަރަށް ބޮޑު ތަފާތެއް އުޅެއެވެ.

އެމް ޑީ ޕީ ހިނގި މަގުން ޑީ އާރު ޕީ

ކުރީގައި އިދިކޮޅު ޕާޓީއެއްގެ ގޮތުގައި އޮތީ އެމް ޑީ ޕީ އެވެ. އެއިރު ރާއްޖޭގައި ޑިމޮކްރަސީގެ ރީތި ގޮތްތައް ޕްރެކްޓިސް ކުރެވެމުންނެއް ނުދެއެވެ. އަދި ކިއެއްތަ އޭރު އޮތީ އިދިކޮޅު މީހުން އިނދަ ޖައްސާލުމެވެ. އެކަމާ ދެކޮޅު ހެދުމުގެ ގޮތުން އެމް ޑީ ޕީ ކުރީ އައުދަޔާ ހިލާފު ބުރަ މަސައްކަތެކެވެ. ތަންތަނަށް އެއްވެ ނުރުހުން ފާޅުކުރުމާއި، މުޒާހަރާ ކުރުމާއި ހަޅުތާލު ކުރުމާއި އިސްތިއުފާއަށް ގޮވުމުގެ އިތުރުން މަދަނީ ބަސް ނޭހުންތައް ބޭއްވުނެވެ. ބޭނުމަކީ ރައްޔިތުންނަށް ލިބެންވާ މިނިވަންކަމާއި ހައްގުތައް ހޯދައިދިނުމެވެ. އެ ހުރިހައި މަސައްކަތެއްޖެ ނަތީޖާއަކީ ރަނގަޅު ޑިމޮކްރަސީ ތަމްސީލުކުރުމުގެ ފުރުސަތު ހޯދައިދިން ގާނޫނު އަސާސީ އުފަންވުމެވެ. އަދި އެންމެ ފަހުން ދުވަސްވީ އޮތޯރިޓޭރިއަން ވެރިކަން ވެއްޓުމެވެ.

ރައީސް އިނގިރޭސި ވިލާތަށް ކުރެއްވި ދަތުރުން އެނބުރި ވަޑައިގެންފި

މިއަދު މެންދުރު ފަހު 3:30 ހާއިރު ރައީސް ނަޝީދު އިނގިރޭސި ވިލާތުގެ ކޮންޒަވޭޓިވް ޕާޓީގެ ދައުވަތަކަށް ކުރެއްވި ދަތުރު ނިންމަވާލެއްވުމަށް ފަހު މާލެ ވަޑައިގެންފި އެވެ. އެ މަނިކުފާނަށް މަރުހަބާ ދެންނެވުމުގެ ގޮތުން އެމަނިކުފާނަށް ތާއީދު ކުރައްވާ ވަރަށް ގިނަ ބަޔަކު ރީނދޫ ކުލައިން ހެދުން އަޅައިގެން ބޮޑު ފާލަން ދޮށުގައި އެއްވެ ތިއްބެވެ. ރައީސް މާލެއަށް ފައިބާ ވަޑައިގެންނެވި ވަގުތު އެއްވެ ތިބި މީހުން ރައީސް ނަޝީދަށް ސާބަހުގެ ބަސްތަކުން މުހާތަބު ކޮށް ތައުރީފު ކުރަމުންދިޔައެވެ. އެ މަނިކުފާނު ގެކޮޅަށް ވަޑައިގައީ އެއްވެފައިވާ ސަޕޯޓަރުންނާ އެކު ހިންގަވާފައެވެ.

ރެކޭބިލް ހޯމަ ދުވަހަށް އެޖެންޑާ ކުރަނީ

ރައީސުލް ޖުމުހޫރިއްޔާކަން ކުރައްވާފައިވާ ބޭފުޅަކަށް އިނާޔަތް ދިނުމާ ބެހޭ ބިލް (ރެކޭ ބިލް) މިއަންނަ ހޯމަ ދުވަހު އޮންނަ ރައްޔިތުންގެ މަޖިލީހުގެ ޖަލްސާއަށް އެގެންޑާ ކުރަނެ ކަމަށް މަޖިލިސްގެ މެންބަރުން ހަބަރު ދެއެވެ. މި ބިލަކީ މަޖިލިސްގެ މެންބަރުގެ މެދުގައި ކުރިންވެސް ހޫނު ޒުވާބު ހިނގައި މަޖިލިސް ހުއްޓުމަކަށް ގެނުވި ބިލެކެވެ. މަޖިލިސްގެ ފުރަތަމަ ދައުރުގެ ފަހު ޖަލްސާ ކުރިޔަށް ނުގެންދެވިގެން ހުއްޓާލަން ޖެހުނީ މި ބިލާ މެދު ބަހުސް ހޫނުވެގެންނެވެ.

އެމްޑީޕީގެ މެނިފެސްޓޯއަށް ޔޫއެން ގެ ތާއީދު

ޔޫ އެން ޑީ ޕީގެ އިންސާނީ ތަރައްގީގެ ރިޕޯޓް ނެރެދެއްވި ބައްދަލުވުމުގައި، ޔޫ އެން ޑީ ޕީގެ ރާއްޖޭގެ އޮފީސް ހިންގެވުމާ ހަވާލުވެ ހުންނެވި އަރުން ކާޝިޔާ އެމް ޑީ ޕީ ގެ މެނިފެސްޓޯއަށް ތާއިދު ކުރައްވައި އެ މެނިފެސްޓޯގައި ހުރި ކަންކަން ހާސިލްކޮށްދިނުމަށް އެ ޖަމުއިއްޔާއިން އެހީތެރވާނެކަމުގައި ވިދާޅުވެއްޖެއެވެ.

ތަރައްގީ ލިބޭނީ ބަދަލަށް ރުހިގެންނެވެ

ރާއްޖޭގައި މިހާތަނަށް ބޭއްވުނު އެންމެ ތާރީހީ ރިޔާސީ އިންތިހާބު ވޭތުވެ ދިޔަ އަހަރުގެ ނޮވެމްބަރު މަހު މުހައްމަދު ނަޝީދު ކާމިޔާބު ކުރައްވައި ވެރިކަމާ ހަވާލުވެ ލައްވައި މުޅި ގައުމުގެ އެންމެހައި ކަންކަން ހަމަ މަގަށް އެޅުވުމުގެ ބުރަ މަސައްކަތް ކުރައްވަމުން މިދާ ދުވަސްވަރުގައި ރައްޔިތުންގެ ފަރާތުން ތަފާތު އަޑުތައް އަދި ފާޑުކިޔުންތައް އިވެމުން ދެއެވެ. ފިކުރާއި ހިޔާލު ފާޅުކުރުމުގެ މިނިވަންކަން ދިވެހިންނަށް ހޯއްދަވައިދެއްވުމުގައިވެސް އެންމެ ބުރަ އުފުއްލެވި އެއް ބޭފުޅަކީ ހުދު އެ މަނިކުފާނެވެ. އެހެންކަމުން ފާޑުކިއުމާއި ދެކޮޅުހެދުން އެމަނިކުފާނު ކުރައްވާ ކަންކަމަށް ވެސް އަންނާނެކަން އެއީ ހަގީގަތެކެވެ.

4 އަތޮޅެއްގެ ދަތުރުފަތުރު އެމްޓީސީސީއާ ހަވާލުކުރުން

ދަތުރުފަތުގެ ނިޒާމަކުން ރާއްޖޭގެ އަތޮޅުތައް ގުޅާލުމަކީ ރައީސް ނަޝީދުގެ ސަރުކާރުގެ އެއް ވައުދެވެ. ސަރުކާރުގެ ސިޔާސަތަކީ އެއްފަސްކުރުމުގެ ބުރައާއި ކޮންމެ ރަށަކަށް ވަކިން ހުރިހައި ހިދުމަތް ދިނުމުގެ އުނދަގޫ ސަރުކާރުން އުފުލުމުގެ ބަދަލުގައި ހިދުމަތް ހޯދުމަށް ފަސޭހަ ކަމާއެކު އަގުހެޔޮކޮށް ދަތުރުކުރެވޭނެ މަގު ކޮންމެ ރައްޔިތަކަށް ވެސް ފަހިކޮށްދިނުމެވެ. މި މަޝްރޫއުގެ ދަށުން ލ އަތޮޅާއި ތ އަތޮޅުގައި މިހާރު ވަނީ ހިދުމަތް ދޭން ފަށާފައެވެ. މިފަހަރު އަލަށް ހިދުމަތް ފެށުމަށް އިއުލާނުކޮށްފައިވަނީ ކ، އއ، އދ އަދި ވ އަތޮޅަށެވެ. މިއަތޮޅުތަކަށް ހިދުމަތް ދިނުމަށް ހަވާލުކުރީ އެމްޓީސީސީ އާ އެވެ.

ހަބަރު ލިބޭ ގޮތުގައި ވަރަށް އަވަހަށް ދެން ހުރި އަތޮޅުތަކަށް ވެސް ދަތުރުފަތުރު ގެ ހިދުމަތް ފެށޭނެއެވެ.

މިހަބަރާ ގުޅޭ

• އާބާދީގެ 50 ޕަސެންޓް، ފެރީގެ ނިޒާމަކުން ގުޅާލުމުގެ އަމަލީ މަސައްކަތް އަންނަ ހަފްތާގައި ފަށަނީ
• 4 އަތޮޅެއްގެ ދަތުރުފަތުރުގެ ނިޒާމް 50 އަހަރަށް އެމް ޓސީ ސީ އާ ހަވާލުކޮށްފި
  

ތިމާވެށީގެ ހިމާޔަތުގައި ދިވެހި ސަރުކާރު

ތިމާވެއްޓަށް އަންނަމުންދަ ބަދަލުތަކުގެ ސަބަބުން އެންމެ ބޮޑު ނޭދެވޭ އަސަރެއް ކުރާނެ އެއްގައުމަކީ ދިވެހިރާއްޖެއެވެ.ސަބަބަކީ ދިވެހިރާއްޖޭގެ ރަށްތަކުގެ ކުދިކަމާއި ރަށްތަކުގެ ތިރިކަމުގެ ސަބަބުން ކަނޑުގެ ލޮނުގަނޑު ކުޑަކޮށް އުފުލުނަސް ރަށް ގިރުމާއި އުދަ އެރުން މިރާއްޖޭގެ ހުރިހައި ރަށަކަށް ތަޖުރިބާ ކުރަން ޖެހޭނެތީއެވެ. އެހެންކަމުން ޖައްވު ހޫނުވެ ކަނޑުގެ ލޮނުގަނޑު މައްޗަށް އުފުލިއްޖެ ނަމަ ތިމާވެށީގެ ރެފިއުޖީންނަށް އެންމެ ފުރަތަމަ ވާނެ އެއްބަޔަކީ ދިވެހިންނެވެ.

ދިވެހި ގައުމުގެ ހެވާއި ލާބައަށްޓަކައި ޑިއާރުޕީ ކަރަންޓީނު ކުރަން ޖެހޭ

ކުރީ ޒަމާނުގައި ރާއްޖެއިން ބޭރަށް ދަތުރުކުރާ އޮޑިފަހަރު ދަތުރު ނިންމާފައި މާލޭގެ ބަދަރަށް އައީމާ އެ އޮޑިން ދަތުރު ކުރި މީހުން މާލެއަށް ނުވަތަ ރާއްޖޭގެ އެއްވެސް ރަށަކަށް ފޭބުން މަނާ މުއްދަތެއް އޮވެއެވެ. އޮޑިން އެއްގަމަށް ފޭބޭނީ މިބުނި މުއްދަތު ހަމަކޮށްފައެވެ. އޭގެ ބޭނުމަކީ ދުރު ގައުމަކުން އައި މީހުންގައި ނުރައްކާ ބައްޔެއް ހުރެ، އެ ބަލި އެހެން މީހުންނަށް ފެތުރުނަ ނުދިނުމެވެ. އެއީ ރައްކާތެރިކަމުގެ ފިޔަވަޅެކެވެ.

ވެރިކަމުގެ ދަހިވެތިކަން މައުމޫނުގެ ސިކުނޑިން ފިލައި ނުދާނެއެވެ.

ރާއްޖޭގައި ޑިމޮކްރަސީގެ ހަމަތަކާއި އުސޫލުތަކުގެ މަތިން ރައީސަކު އައްޔަން ކުރެވުނުތާ އަދި މިވީ ކުޑަ ދުވަސްކޮޅެކެވެ. މީގެ ކުރިން މިރާއްޖޭގައި 30 އަހަރުވަންދެން ވެރިކަންކުރި ޑިކްޓޭޓަރ މައުމޫނު އޭނާގެ އައުވާނުން ހިތްރުއްސައިގެން އެހެން ރައްޔިތުން އިނދަޖައްސައިގެން އިންތިހާބުތަކުގައި ވޯޓު އޮޅުވައިގެން 100 ޕަސެންޓް ހޯދާލަ ހޯދާލަ ހުރި އިރު އެއީއަކީ ޑިމޮކްރަސީގެ އިންފާރުން އެތެރޭގެ ވެރިކަމެއް ކަމަކަށް ނުބުނެވޭނެއެވެ.